ബിജെപി നേതാവ് വെടിയേറ്റു മരിച്ചു

0

ഉത്തർപ്രദേശിൽ ബിജെപി നേതാവിനെ അക്രമികള്‍ വെടിവച്ച് കൊന്നു. ബസ്തി ജില്ലയിലാണ് സംഭവം. കഴിഞ്ഞ ദിവസം സഹാറൻപൂർ ജില്ലയിൽ ബി.ജെ.പി നേതാവിനെ വെടിവച്ച് കൊന്നതിന് തൊട്ടുപിന്നാലെയാണ് ബസ്തിയിലെ ആക്രമണം.

സഹാറൻപൂർ ജില്ലയിലെ ദിയോബന്ദിലെ മിരാഗ്പൂർ ഗ്രാമത്തിന് സമീപം തൽ‌ഹെദി ഖുർദിൽ വെച്ചാണ് ചൗധരി യശ്പാൽ സിങ്ങിനെ ബൈക്കിലെത്തിയ അജ്ഞാതര്‍ ചൊവ്വാഴ്ച വെടിവച്ചു കൊന്നത്. മുൻ വിദ്യാർഥി നേതാവ് കൂടിയായിരുന്ന ബി.ജെ.പി നേതാവ് കബീർ തിവാരിയാണ് ബുധനാഴ്ച ബസ്തിയിലെ മാൽവിയ റോഡിൽ വെടിയേറ്റ് മരിച്ചത്. അഗർവാൾ ഭവനില്‍ ചില ആളുകളുമായി തിവാരി സംസാരിച്ചുനില്‍ക്കുന്നതിനിടെയാണ് ബൈക്കിലെത്തിയ രണ്ടുപേർ ആക്രമണം നടത്തിയതെന്ന് ദൃക്‌സാക്ഷികൾ പറഞ്ഞു.

LEAVE A REPLY

Please enter your comment!
Please enter your name here