കൊളംബോ ഭീകരാക്രമണം; ശ്രീലങ്കയില്‍ ഹിജാബിനും ബുര്‍ക്കയ്ക്കും നിരോധനം ഏര്‍പ്പെടുത്തി ഹോട്ടല്‍ അധികൃതര്‍

0

കൊളംബോ: ഭീകരാക്രമണങ്ങളുടെ പശ്ചാത്തലത്തില്‍ ശ്രീലങ്കയില്‍ ഹിജാബിനും ബുര്‍ക്കയ്ക്കും നിരോധനമേര്‍പ്പെടുത്തി ഹോട്ടല്‍ അധികൃതര്‍. അതേ സമയം ഭീകരാക്രമണങ്ങളുടെ പശ്ചാത്തലത്തില്‍ മുഖം മറച്ചുള്ള വസ്ത്രം ധരിച്ചുകൊണ്ട് പ്രവേശിക്കരുതെന്ന മുന്നറിയിപ്പ് ബോര്‍ഡുകള്‍ സ്ഥാപിച്ചിരിക്കുകയാണ് ‘എല്ലാ ഫ്ളവര്‍ ഗാര്‍ഡന്‍ എന്ന റിസോര്‍ട്ട്. ശ്രീലങ്കയിലെത്തുന്ന ടൂറിസ്റ്റുകള്‍ ഏറെ ഇഷ്ടപ്പെടുന്ന ഹോട്ടലാണിത്. മുസ്ലീം വിഭാഗങ്ങള്‍ ധരിക്കുന്ന ഹിജാബ്, ബുര്‍ഖ അടക്കമുള്ള വസ്ത്രങ്ങള്‍ക്കും ഹെല്‍മറ്റ് അടക്കമുള്ള വസ്തുക്കള്‍ക്കുമാണ് നിരോധനം ഏര്‍പ്പെടുത്തിയിരിക്കുന്നത്.

കൊളംബോയില്‍ നടന്ന ഭീകരാക്രമണങ്ങളുടെ പശ്ചാത്തലത്തിലാണ് നടപടി. ഏതെല്ലാം വസ്തുക്കള്‍ക്കാണ് നിരോധനം ഏര്‍പ്പെടുത്തിയതെന്ന് വ്യക്തമാക്കി ഹോട്ടല്‍ സൂചനാ ബോര്‍ഡുകള്‍ പ്രദര്‍ശിപ്പിച്ചിട്ടുണ്ട്. ഹോട്ടലിന് മുന്നിലെ സൂചനാ ബോര്‍ഡുകളില്‍ ഹെല്‍മെറ്റ്, ബുര്‍ക്ക, ഹിജാബ്, കണ്ണിനുമുകളിലിടുന്ന കവര്‍, തലകൂടി മറയുന്ന രീതിയിലുള്ള ജാക്കറ്റുകള്‍ എന്നിവയും ഉള്‍പ്പെടുന്നു. അതേസമയം, ഹോട്ടലധികൃതരുടെ പ്രവര്‍ത്തികള്‍ക്കെതിരെ വ്യാപക പ്രതിഷേധം ഉയരുന്നുണ്ട്.

LEAVE A REPLY

Please enter your comment!
Please enter your name here